NINJE: TUTAENDA KUFANYA MIUJIZA MALI

Kocha mkuu wa timu ya Taifa ya vijana chini ya umri wa miaka 20 'Ngorongoro Heroes' Ammy Ninje amesema wataweza kupindua matokeo katika mchezo wa marudiano dhidi ya Mali utakaopigwa wiki ijayo mjini Bamako.

Ngorongoro ilikubali kipigo cha mabao 2-1 kutoka Mali jana katika uwanja wa Taifa, Dar es Salaam hivyo kujiweka kwenye mazingira mazuri ya kufuzu hatua inayofuata.

Kocha Ninje amesema wachezaji wake walicheza vizuri lakini kuna makosa kidogo ambayo atayafanyia kazi kabla ya mchezo wa marudiano wiki ijayo.

"Tuna nafasi ya kugeuza matokeo nchini Mali, tulicheza vizuri lakini tulishindwa kutumia nafasi tulizo tengeneza ila tumeona mapungufu yaliyojitokeza tutayafanyia kazi.

"Mali hawakuwa bora sana kwetu ila walitumia vizuri nafasi walizopata na kufanikiwa kutufunga mabao mawili hata sisi tunaweza kufanya hivyo kwao," alisema Ninje.

Ngorongoro itatakiwa kushinda mabao 2-0 katika mchezo wa marudiano ili kutinga hatua ya tatu ya michuano hiyo.