NUSU FAINALI SPORT PESA YANGA KUKIPIGA MCHANA HUU

Mabingwa wa soka Tanzania bara timu ya yanga Leo inajitupa katika uwanja wa Uhuru Dar es salaam kumenyana na AFC leopards ya Kenya katika mechi ya nusu fainali ya kombe la Sportpesa.

Yanga itaingia katika uwanja huo ikiwa na kumbukumbu ya kuwatoa wakenya wengine Tusker fc kwa mikwaju ya penati, itaingia uwanjani ikiwa ndio timu pekee ya Tanzania ilobaki baada ya wenzao wa Simba,singida united na Jang'ombe ya Zanzibar kutolewa.

Yanga inaonekana kama kuminywa katikati ya wakenya hao kwa maana ikifanikiwa kuingia fainali itakumbana na wakenya wengine kati ya Gor mahia au Nakuru all stars ambao waliwaondoa Simba kwa mikwaju ya penati pia.

Kikosi cha yanga kinatazamiwa kutokuwa na mabadiliko sana kutoka kile kilichoiondoa tusker.

Mechi hiyo ambayo itaanza saa nane ikifatiwa  na mechi kati ya Gormahia na Nakuru all stars itakayoanza saa nane mchana.

Fainali za michuano hiyo zitakuwa siku ya jumapili na bingwa atapata kitita cha dola elfu 30 za kimarekani ambazo ni Karibu mil 60 za kitanzania.