Wanachama wa Simba tawi la SDF
lenye makao makuu yake Tabata Kimanga, leo wameikaribisha wiki ya Simba kiaina
yake kwa kwenda kufanya usafi katika Zahanati ya Tabata huku pia wakitoa msaada
wa vifaa.
Akizungumza na mtandano huu mara
baada ya kukamilika kwa zoezi hilo Afisa habari wa SDF, Ally Shatry 'Bab
Chicharito' alisema waliamua kufanya jambo hilo kwa sababu kuu tatu.
"Kwanza ni katika kutimiza wajibu wetu kwa jamii, pili ni kutimiza
agizo la Rais John Magufuli kuwa kila jumamosi ya mwisho wa mwezi ni siku
maalumu ya usafi lakini tatu ni kuikaribisha wiki ya Simba inayoanza rasmi
kesho," alifafanua Bab Chicharito.
Misaada iliyotolewa na wanachama hao ni pamoja na sabuni ya unga na vipande,
dawa za kuulia wadudu, fagio, maji ya kunywa, mikate na vifaa vingine vya
kufanyia usafi.
kwa upande wake Dr Mtei aliyemwakilisha Mganga Mfawidhi alisema
"nimeshangazwa sana na hiki kilichotokea, sijawahi kuona mtu yeyote au
kikundi kikija hapa na kufanya haya mliyoyafanya, ahsanteni sana. Naamini
wengine wakiona wataiga mfano huo."
SDF ni tawi la Simba lililozinduliwa na rasmi na Rais wa klabu hiyo Evance
Aveva mwezi Oktoba mwaka jana lakini limekuwa moja ya matawi maarufu nchini
kutokana na utaratibu wake wa kipekee katika uendeshaji.
 | |
| BAADA YA KUWASILI ZAHANATI YA TABATA A | | |
|
 |
| BAADA YA KUWASIL KIKOSI KAZI KIKIPEANA MAJUKUMU |
 |
| AFISA HABARI WA SDF AKIGAWA GLOVES KABLA YA USAFI KUANZA |
 |
| KAZI IKIWA IMEANZA KUHAKIKISHA ZAHANATI YA TABATA A INAKUWA SAFI |
 |
| KHALID MWINCHANDE AKIMWAGILIA SEHEMU YA BARAZA YA ZAHANATI |
 |
| MOHAMED NAMMENGE MJUMBE KAMATI YA UTENDAJI AKIWAJIBIKA |
 |
| MWENYEKITI KARIM BOIMANDA AKIMKABIDHI KILE WALICHOBARIKIWA TAWI LAO KWA MSIMAMIZI WA KITUO |
 |
| BAADA YA USAFI WANACHAMA WAKAPOZI KWA PICHA YA PAMOJA |
Post a Comment