MAVUGO AWASILI RASMI JANA USIKU

Mshambuliaji wa kimataifa wa Burundi, Laudit Mavugo amewasili usiku wa Jumatano kujiunga na Simba SC.

Mavugo aliwasili Saa 4:30 Uwanja wa Ndege wa Kimataifa wa Julius Nyerere (JNIA), Dar es Salaam na kupokewa na Makamu wa Rais wa Simba, Geoffrey Nyange ‘Kaburu.

Inafahamika kuwa Mavugo ambaye ni tegemeo katika kikosi cha Vital'O alishapokea sehemu ya pesa yake ya usajili ambayo alikubaliana na wekundu hao mwaka jana na ujio wake ni wazi utakuwa kwa lengo la kukamilisha tu usajili huo.