KENYA YATOKA SARE NA TAIFA STARS

Timu ya Soka ya Kenya(Harambe stars) imeshindwa kutumia vyema uwanja wake wa Nyumbani wa Safari com Kasarani baada ya kutoka sare ya 1-1 na Tanzania'Taifa stars'.

Taifa stars ilikuwa ya kwanza kupata goli lake baada ya Elias Maguli kufunga katika dakika ya 32 kwa kichwa baada ya kuunganisha vyema krosi iliyopigwa na beki Juma Abdul. Katika dakika ya 38,Kenya walisawazisha kwa njia ya penati kupitia Victor Wanyama. Penati ya Kenya ilisababishwa na Shiza Kichuya aliyemwangusha mshambuliaji wa Kenya katika eneo la hatari.

Taifa stars imetumia mchezo huo kama mchezo wa maandalizi dhidi ya mchezo wao na Misri, siku ya jumamosi katika uwanja wa Taifa.