KING KIKI KAKERE WAMLIZA HUSSEIN JUMBE

Mwanamuziki nguli wa muziki dansi nchini,Hussein juzi alijikuta akimwaga 

machozi ya furaha wakati wa mazoezi ya pamoja na mastaa wenzake wanaounda 

kikosi cha timu ya Taifa dansi yaliyofanyika katika Ukumbi wa CCM Mwinjuma 

Mwananyamala jijini Dar es Salaam.

Tukio hilo lilitokea mara baada ya wanamuziki wenzake Kikumbi Mwanza 

Mpango na Juma Kakere kuingiza vipande vipya vya mashairi katika wimbo wa 

Jumbe 'Siri ya Nini' ambavyo vilimsisimua na kujikuta akilia kwa furaha.

"Kiki na Kakere wameniliza kwakweli sikutegemea kama wangeweza kunishtua 

kwa kiasi hiki kwa namna walivyoingiza hisia mpya kwenye wimbo huu na 

kuifanya Remix kunoga,nimelia kwa furaha kwakweli".

Alisema, walikuwa wakiufanyia mazoezi wimbo huo bila kupangilia kama 

wangeongeza kitu chochote lakini kwa namna kombinesheni ya watatu hao 

ilivyonoga atalazimika kuingia nao studio kuurekodi upya.

Mastaa hao dansi wako kambini wakijifua kujiandaa na mpambano dhidi ya 

bendi ya Msondo Ngoma utakaofanyika Sept.2 mwaka huu katika Ukumbi wa 

Travertine Magomeni jijini Dar es Salaam.