MAKONDA: ITAPENDEZA TUKIKABIDHIWA UBINGWA NA RAIS KWA KUIFUNGA KAGERA

Mkuu wa Mkoa wa Dar es Salaam,  Paul Makonda amesema itakuwa bora sana kama Simba itaibuka na ushindi katika mchezo wa kesho dhidi ya Kagera Sugar na kukabidhiwa ubingwa na Rais wa Jamhuri ya Muungano wa Tanzania John Magufuli.

Makonda ambaye ni miongoni mwa wapenzi wa Simba amesema mbele ya Rais Magufuli haitapendeza kwa Simba kukabidhiwa ubingwa kwa kufungwa.

Simba imecheza mechi 28 za ligi mpaka sasa na haijapoteza hata mchezo mmoja kitu ambacho hawataki kitokee hata kwa bahati mbaya.

"Kesho Simba tunakabidhiwa ubingwa wa ligi na Mheshimiwa Rais, nadhani itapendeza sana tutapata ushindi,"alisema Makonda.

Kuhusu usalama Makonda amesema umeimarishwa kwa kiasi kikubwa huku akiwataka mashabiki kujitojeza kwa kushuhudia tukio hilo la kihistoria.